Beatrix Ramosaj ka vendosur të rikthehet në muzikë pas 3 vitesh mungesë dhe duket se projekti i ri do të jetë vërtetë bombastik. Sot këngëtarja zbuloi se ka bashkuar forcat me artistin Eugent Bushpepa, me të cilin publikoi një foto në rrjete sociale. Ajo nuk tregoi shumë detaje, por na bëri të ditur se kënga do të mbajë titullin “Dancing with the evil” (Duke kërcyer me djallin).
View this post on Instagram
Beatrix i ka realizuar xhirimet për videoklipin e këngës së re dhe duket se për të ka bërë sakrifica të shumta. Ajo ka postuar një foto në të cilën shihet me këmbë të nxira dhe gërvishtje. Siç duket asaj i është dashur të xhirojë në terrene të vështira për të realizuar videoklipin perfekt.
“Nuk është e lehtë të kërcesh me djallin… pasojat… prapaskena 1,2,3 aksion”, ka shkruar Beatrix përkrah fotos së këmbëve.
Kujtojmë se projekti i fundit muzikor i Beatrix Ramosaj ka qenë në vitin 2017-të.
