Në 28 nëntor, Gold Ag dhe bashkëshortja e tij, Ermira Shkodra, u bekuan me një djalë që e pagëzuan me emrin Gueril. Ky emër hapi diskutime të shumta, ndërkohë në një intervistë të dhënë së fundmi për “Prive”, reperi iu ka shpjeguar të gjithëve domethënien e tij. Gold Ag ka treguar se emri Gueril ka të bëjë me një metodë sulmi të luftëtarëve kundër armikut dhe me Ushtrinë Çlirimtare të Kosovës, që ka qenë ushtri guerile.
Gjatë kësaj kohe Gold Ag ka publikuar herë pas here momente shumë të veçanta me vogëlushin, por videon më të ëmbël të tyre e ka publikuar Ermira. Kjo e fundit ka postuar në Instagram një video, në të cilën reperi shihet duke mbajtur në krahë Guerilin e vogël, ndërkohë që e përkund dhe e sheh gjithë dashuri. Në këtë mënyrë ajo na dëshmoi edhe një herë se reperi është një familjar shembullor dhe baba shumë i përkushtuar.
Reperi ka treguar se do të kujdeset që djalit të tij të mos i mungojë asgjë, duke qenë se ai vetë është rritur pa baba. Pak ditë pas lindjes Gold Ag i bëri një dedikim shumë prekës vogëlushit, duke i premtuar se ai do t’i gjendet gjithmonë pranë.
“Faleminderit Zot për këtë dhuratë, faleminderit të gjithëve për urimet e shumta që mi keni dërguar për lindjen e djalit, ua kthefsha për të mira e për gëzime. Faleminderit nusja jeme Ermira Shkodra, faleminderit për kujdesin gjinekologe Dardane Ukella Lleshi që e pate nga fillimi deri në fund. Faleminderit shumë doktor Selman Demolli për respektin e kujdesin e lindjes, faleminderit nga zemra motër e nderume Time Kadrijaj për angazhimin tënd dhe kujdesin për nusen e djalin. Mos e harrofsha asnjë të mirë nga ju e për të mira ua kthefsha. Zot faleminderit që na gëzove, Gueril ti m’bane babë e unë do të rris ashtu siç i ka hije një prindi, u rritsh pranë meje se mua m’ka munguar baba e ty mos të mungoftë asgjë në këtë jetë. Zoti im jepi shëndet, dije e le të jetë i hajrit për atdhe e fe. 30.11.2020”, shkroi reperi.
View this post on Instagram
