Ata kanë vetëm pak muaj që po dalin bashkë, por pavarësisht kësaj, kur vjen puna për të mbështetur një femër, Leonardo DiCaprio është i pari ai që do të ofrojë shpatullën e tij për t’u mbështetur.
Kështu ka bërë ylli i Hollivudit, me të dashurën e tij aktuale, modelen Nina Agdal, pasi “Range Rover”-i i tyre u përplas me një “Mini Cooper”, në Hamptons, Nju Jork të dielën.
41-vjeçari u fotografua teksa ngushëllonte partneren e tij 24-vjeçare, pas tronditjes që ajo pësoi nga përplasja. Edhe pse askush nuk u lëndua, DiCaprio u tregua mjaft njerëzor duke u kujdesur edhe për drejtuesen e “Mini Cooper”-it, të cilës i ofroi ndihmën e tij. Pasi u sigurua se ajo ishte mirë, Leo e nxori atë me kudjes nga automjeti dhe më pas pritën të mbërrinte policia.
Një dëshmitar tha se: “Kur shoferja hapi derën, DiCaprio e ndihmoi atë të dilte jashtë. Ajo ishte e tronditur. Leo u tregua i mirë me të. Ai i bëri shenjë për ta ndjekur pas dhe e ndihmoi atë të ulej në pjesën anësore të rrugës për t’u qetësuar”.
*Shfleto galerinë
