Ashtu, siç na kishte paralajmëruar, Melinda Ademi ka publikuar ditën e sotme këngën e saj të re dhe s’mund të gjente një mbyllje më të bukur se kaq.
Projekti titullohet “Mëkatare” dhe mund të themi se i mungonte hiteve të dimrit një këngë e tillë.
Përtej faktit se kënga është realizuar me shumë kujdes e stil siç di reperja gjithnjë, jo pak vëmendje mori ‘look-un’ i saj i veçantë.
Tekstin e ka shkruar vetë reperja në bashkëpunim me Gjiko dhe Skerdi, kurse producent i këngës është BigBang.
Deri tani kënga ka marrë shumë komente pozitive dhe pritet të arrijë goxha sukses me klikimet në platformat online.
Rreth 3 muaj më parë Melinda bashkoi forcat me Gjikon, duke sjellë “X5” që na riktheu në stinën e verës kur ajo po përfundonte.
Sa i takon jetës personale, thuhet se reperja është tashmë në një lidhje me menaxherin e kompanisë “RedBox”, Granit Muhaxheri. Për më tepër raporti mes tyre duket shumë serioz, sepse është mësuar se Melinda dhe Graniti kanë nisur bashkëjetesën me njëri-tjetrin në Prishtinë.
Lidhja e saj me Granitin dhe kalimi nën menaxhimin e “RedBox”, mund të ketë qenë edhe arsyeja kryesore pse Melinda solli bashkëpunimin me Gjikon.
Kompania “RedBox”, që menaxhohet nga i dashuri i reperes, është themeluar nga vëllai i Gjikos, producenti Arbër Gjikolli, ose siç njihet ndryshe Big Bang.
