Aktorja e njohur italiane, shumë e famshme për filmin me Adriano Celentano-n, “Innamorato pazzo”, Ornella Muti, ka ardhur së fundmi në Shqipëri.
Ajo do t’i festojë këto Krishtlindje me shqiptarët, siç ka treguar producenti Sokol Guga.
Ornella do të jetë e ftuar në spektaklin e tij “Krishtlindje në Tiranë” më 25 dhjetor.
Vetë regjisori ka ndarë në rrjete sociale foto me aktoren në Tiranë, e cila duket se po kalon një kohë të mirë në vendin tonë.
“Ju premtova që do e sillja në Shqipëri? Ornella Muti në “Krishtlindje në Tiranë”- shkruan ai krahas postimit.
Ky spektakël do të përmbajë muzikë, argëtim dhe show, ndërsa pjesë e tij do të bëhet gjithashtu këngëtari italian Alex Palmieri, i cili ka publikuar gjithashtu foto me Ornella Muti-n në Tiranë.
