Familjarë të Bebe Rexhës po kalojnë një gjendje të vështirë për shkak të Covid-19 dhe kjo gjë duket se e ka shqetësuar shumë artisten. Ajo ka zbuluar për ndjekësit në rrjete sociale se tezja e saj është prekur nga Covid-19 dhe se është në gjendje të vështirë shëndetësore. Me këtë rast bebe ka denoncuar edhe gjendjen alarmente në spitalet e Amerikës.
“Tezja ime është në spital për momentin. Ajo ka Covid. Pothuajse vdiq mbrëmë. E vetmja gjë që ajo i tha mamasë time ishte që spitali është aq i mbingarkuar sa është e vështirë të marrësh një infermiere. Infermierja i tha asaj ‘mos më thërrit derisa nuk je duke vdekur’”, ka shkruar Bebe në një postim në Twitter.
https://twitter.com/BebeRexha/status/1337853482984898562?ref_src=twsrc%5Etfw%7Ctwcamp%5Etweetembed%7Ctwterm%5E1337853482984898562%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Ftezja-e-saj-pothuajse-vdiq-nga-covidi-bebe-rexha-flet-per-trajtimin-e-keq-ne-spital-dhe-kapacitetet-e-dobeta-mjekesore-ne-amerike%2F
Më pas në një tjetër postim ajo ka treguar se ka mbetur e habitur pasi një doktoreshë ka zbuluar se në spitale nuk ka mjete dhe kapacitet mjaftueshëm për të përballuar gjithë të sëmurët me Covid-19.
“Sipas Dr. Christina Ghaly, drejtoreshë e Shëndetit dhe Shërbimeve Njerëzore të Qarkut L.A, kishte vetëm 370 shtretër spitalorë për qarkun prej 10 milionësh. Disponueshmëria e ICU (njësi e kujdesit intensiv) ishte edhe më e keqe, me vetëm 56 të tilla të mbetura”, shkroi këngëtarja.
“According to Dr. Christina Ghaly, director of L.A. County Health and Human Services, there were only 370 available hospital beds for the county of 10 million. ICU availability was even worse, with just 56 adult ICU beds remaining.” @DEADLINE
— Bebe Rexha (@BebeRexha) December 15, 2020
Më pas ajo është shprehur se ndihet shumë e frikësuar për këtë fakt. Më herët Bebe ka treguar se edhe prindërit e saj e kanë kaluar koronavirusin, gjatë kohës që gjithë bota ishte në izolim total. Prindërit e saj fatmirësisht e kaluan lehtë sëmundjen, por tashmë Bebe është e shqetësuar për fatin e të afërmve të tjerë.
