Dy vajza të tjera janë larguar nga “Love Story” këtë të hënë. Drita dhe Kejda nuk morën një trëndafil mbrëmjen e sotme nga Saimiri, duke u lënë, në këtë mënyrë, vendin për zemrën e Saimirit vajzave të tjera.
Ndërkohë njëra prej motrave binjake, Albana, u largua vetë nga emisioni, pasi siç kishte deklaruar, nëse do të shihte që motra e saj do të kishte më shumë afrimitet me Saimirin, do të ikte.
Në sondazhin e “Love Story”, tre vajzat që duhet të dalin në takim javën e ardhshme me Saimirin janë Arjana, Vivien dhe Drita.
Sakaq, tri vajza të reja iu bashkuan garës për të fituar zemrën e 33-vjeçarit. Dy prej tyre vinin nga Italia dhe njëra nga Gjermania. Të treja kanë pasur mundësinë ta ndjekin dhe ta njohin më shumë Saimrin nga ekrani.
Redona Hida, 21 vjeçe, ka lindur në Itali. Pasionet e saj më të mëdha janë të lidhura me të bukurën, i pëlqen fotografia, modelingu dhe kërcimi.
Generda Braçe, 21 vjeçe. Ka lindur në Tiranë, por është larguar nga Shqipëria në moshën 1-vjeçare me familjen e saj. Profesioni i saj është menaxhere projektesh.
Valentina Turatti, 22 vjeçe. Ka lindur në Itali. Studion për menaxhim biznesi. Mamanë e ka pasur shqiptare, ndërsa babin e ka italian.
