Që Saimiri po afrohej shumë me binjaket kjo ishte vënë re prej kohësh. Por, ai na ka surprizuar të gjithëve mbrëmjen e sotme kur dhuroi edhe puthjen e parë në Love Story.
E cila prej motrave ishte fatlumja? Silvana.
Ajo pati një takim romantik me Saimirin, në vilën e beqarit dhe kanë folur pak për udhëtimet, që u pëlqejnë të dyve, por shumicën e kohës dyshja e ka kaluar mes përqafimeve, çokollatave, verës dhe puthjeve, duke u munduar edhe t’u shmangen kamerave të produksionit.
Ndërkohë, Saimiri ka folur në vija të përgjithshme për të gjitha vajzat, duke dhënë edhe përshtypjet që ai ka marrë nga takimet me to, në grup apo edhe privatisht.
Mirëpo, pavarësisht puthjes me Silvanën, Saimir ka veçuar Xhesin në studio, si gocën që e shikon si partneren e tij të ardhshme.
“Ndihem shumë mirë, shumë komod. Vajzat më kanë dhënë shumë dashuri. Sigurisht që u nisa me idenë që do e gjej këtu parteren, por ishte akoma një ëndërr, tani e përjetoj. Ka disa nga vajzat që janë më interesante, që i shoh ndoshta edhe si partnere në të ardhmen. Kam pasur një përshtypje të mirë për Xhesin dhe vetëm ma ka përforcuar atë mendimin pas takimit që kisha. Më pëlqen që është një vajzë e thjeshtë, e sinqertë. Nga sjellja dhe nga karakteri e shoh që mund të jetë partnerja ime e ardhshme”,- është shprehur 33-vjeçari.
