Ditën e djeshme iu raportuam në mënyrë ekzkluzive mbi zgjidhjen e kofliktit mes Einxhel Shkirës dhe Stresit. Ishte vetë moderatorja ajo që e kontaktuar nga ne bëri me dije se është sqaruar me babain e reperit i cili i ka kërkuar ndjesë në emër të tij. (KLIKO)
Dhe ne e kemi një emër që është “ICONSTYLE.AL” dhe jo “media” sikundër pretendon “Gazetashqip.com” në artikullin e saj.
Përveç fshehjes së burimit, kjo “media” as nuk ka rishkruar lajmin por e ka marrë copy-paste nga fillimi në fund. Dhe diçka e tillë është padyshim vjedhje, dhe e ndaluar si në aspektin profesional, ashtu edhe në atë ligjor.
Media propagandistike!
Në fakt prej 4 ditësh shumë media duket se janë të zëna dhe mund të tregojmë mirëkuptim sepse po komentojnë gjatë fakti se protesta e qytetarëve është e dhunshme pasi u dëmtuan dhe dogjën disa objekte, që janë riparuar menjëherë nga Bashkia e Tiranës disa orë pas protestës, duke dëshmuar se sa të përpërfillshme janë këto dëmtime krahasuar me vjedhjen, dëmtimet, gjymtimet dhe vrasjet që po i bëhen dhe i janë bërë ndër vite popullit shqiptar.
Është interesant fakti se shumë media pro-qeveritare dhe disa personazhe publike luajnë rolin e avokatit të qeverisë, duke e mbrojtur më mirë seç e mbron ajo veten. Në raportimet e shumë mediave nuk zbardhet fare protesta, e aq më pak kauza, por shkruhet për djegien e pemës së Krishtlindjeve në sheshin “Skënderbej”.
Me përjashtim të shumë pak mediave të pavarura që kanë pasqyruar hap pas hapi gjithë ecurinë e protestës, heshtjen e qeverisë, veprimet e Policisë, pjesa tjetër është pozicionuar nga qeveria duke vendosur në kryetitujt e tyre “dhunën dhe shkatërrimet” e pretenduar se po ushtrojnë të rinjtë.
Propaganda e disa mediave arrin deri aty sa të krahasojnë heqjen e disa dritave nga pema(që e riktheksojmë u rikuperuan menjëherë të nesërmen) me dhimbjen e familjes së Klodianit. Të tjera shkruajnë për letra fëmijësh drejtuar Ramës, ku kërkojnë pemën e Krishtlindjeve për festa.
Pse nuk janë këto media kaq të interesuara për pemët çdo ditë?
Pse nuk i publikojnë këto media letrat e fëmijëve të Tiranës që nuk kanë asnjë kënd lojërash? Pse u kujtuan këto media vetëm tani për një pemë? Pse nuk shkruajnë për tenderat e betonizimit?
Media dhe “VIP-a” që iu dhimbset pema e Krishtlindjeve, por që nuk reagojnë për prerjen e pyjeve që nuk të le të mendosh se në Shqipëri ka moratorium pyjesh, tashmë prej katër vitesh…
Vetëdorëzimi nga ana e tyre është i qartë dhe ka të bëjë me konfliktin e interesit që kanë pronarët e mediave apo “VIP-at”, të cilët duhet të mbrojnë interesat e bizneseve të tyre. Dhe kjo është e pamundur pa mbështetjen e qeverisë, pa tenderat që jep qeveria, pa lejet e ndërtimit, lejet e ndryshme, konçensionet etj.
Mirëpo, kjo zhvlerëson etikën gazetareske, rolin e medias si një kontrollor demokratik, por edhe lirinë e fjalës, lirinë e informimit dhe kritikës. Nëse nuk e keni mësuar në auditore ose nëse pozicionimi pranë pushtetit ua ka fshirë nga kujtesa, duhet të dini se mediat luajnë një rol jashtëzakonisht të rëndësishëm në shoqëri, duke shërbyer si “watch dog”, çka nënkupton se mediat duhet t’i kërkojnë llogari qendrave të pushtetit dhe të monitorojnë në mënyrë të vazhdueshme autoritetet qeveritare dhe organizatat, institucionet dhe bizneset.
Gjë që ato nuk e bëjnë!!!
Qartazi, prej kohësh media po funksionon përmes një sistemi të deformuar, për shkak të ndërthurjes se interesave financiare të disa pronarëve me pushtetin politik. T’i shërbesh propagandës qeveritare edhe në një moment të tillë, është një nga skandalet dhe turpet më të mëdhaja, i cili nuk ka kaluar pa u vënë re nga publiku, teleshikuesi, lexuesi dhe dëgjuesi shqiptar!
Ku i dihet ndoshta pas reformimit të Policisë së Shtetit, qytetarët mund të bëjnë të mundur edhe reformimin e mediave.
“iconstyle.al” është pozicionuar në krah të protestuesve prej fillimit të protestës, duke kërkuar rindërtimin e strukturës së Policisë së Shtetit, që pason ngulmimin tonë prej muajsh tashmë për një strukturë të reformuar, bashkë me largimin e Sandër Lleshajt.
