Fatkeqësisht një tjetër mjek ka ndërruar jetë nga Covid-19 ditën e sotme në vendin tonë. Bëhet fjalë për mjekun e njohur neurolog të QSUT, Drini Dobi, i cili ishte prekur nga koronavirusi prej ditësh.
Mjeku Dobi ishte në gjendje të rëndë shëndetësore, në një prej spitaleve të Italisë, por nuk ia ka dalë të mbijetonte.
Pak ditë më parë u se mjekut i duheshin 50 mijë euro për të vijuar kurimin në Itali, ndërsa në rrjetet sociale nis një fushatë e gjerë për mbështetjen e tij. Ndërkohë, ishte vetë qeveria shqiptare që njoftoi se do të mbështesë financiarisht kurimin e mjekut Dobi, deri në shërimin e tij të plotë.
Pas lajmit prekës ka reaguar edhe ministrja e Shëndetësisë, Ogerta Manastirliu, e cila ka dhënë një mesazh prekës për ndarjen nga jeta të mjekut.
Manastirliu shkruan në “Facebook” se kishte shumë shpresë që mjeku do ta fitonte këtë betejë, “ashtu siç ia kishte dalë me mijëra herë të fitonte betejat për pacientët e tij”.
