Janë publikuar të dhënat e ekspertizës paraprake të vrasjes së të riut Klodian Rasha, ku konfirmohet lajmi i raportuar ditën e djeshme nga “iconstyle.al” se njëri prej plumbave e ka prekur 25-vjeçarin në pjesë e mbrapme të shpatullës dhe kjo i ka dëmtuar organet jetike.
Sipas Euronews Albania në ekspertizë thuhet se arma e policit ka bërë dy qitje, por asnjëri prej plumbave nuk e ka qëlluar në kokë. Prokuroria është në pritje të ekspertizës për gjurmët armës së gjetur në zonë në qoftë se ka qenë apo jo në dorën e Rashës, ndonëse burime konfidenciale kanë bërë me dije për “iconstyle.al” ditën e djeshme se i riu ka qenë i paarmatosur.
Të dy policët e “Shqiponjave” kanë deklaruar se i riu ka patur një send të dukshëm si armë që e ka nxjerrë nga brezi. Në dëshminë e tyre policët thonë më tej se i kanë kërkuar të ndalojë, por ai nuk i është bindur urdhrit dhe më pas ka zgjedhur të largohet me vrap.
Dëmtimi që ka marrë viktima Koldian Rasha në pjesën e kokës thuhet se nuk e ka marrë nga plumbi, por në momentin kur është shembur në tokë.
Kjo ngjarje ka tronditur gjithë qytetarët shqiptarë që janë ngirtur në protesta në gjithë vendin. Teksa në Tiranë protesta vijon dhe u shoqërua me përplasje mes qytetarëve dhe efektivëve, shkatërrime e djegie objektesh, e qetë duket gjendja në qytetet e tjera!
View this post on Instagram
View this post on Instagram
