Motra e Klodian Rashës ka hubur ndjenjat në protestë. Siç shihet edhe në foton e mëposhtme, vajza është rrëzuar dhe ndodhet në tokë, ndërkohë që policia e ka rrethuar. Disa efektivë dhe protestues janë afruar tek motra e Rashës për t’i dhënë ndihmën e parë.
Bora Rasha kërkon drejtësi për vëllanë dhe ndodhen në protestë bashkë me qindra protestues të tjerë . Ajo tha se në momentin që ndodhi ngjarja ka qenë në Itali, ndërsa erdhi sot për ta përcjellë për në banesën e fundit.
Bora tha se vëllai ishte me shokët deri në orën 23:30 dhe më pas kishte shkuar të merrte një paketë, por u vra.
“Vëllai im ka shkuar me marrë paketën dhe erdhi i vdekur në shtëpi. Ka qenë deri në orën 23:30 me shokët, pastaj shkoi në shtëpi dhe tha po iki të marr paketë. Unë kam qenë në Itali kur ndodhi ngjarja dhe jam nisur dhe erdha. Familja ime kërkon të drejtën për cfarë është vrarë vëllai im. Jo, ai ka qenë shumë djalë i mirë, i rregullt, ka qenë i fejuar, sivjet po prisnim ta martonim. Kishte një vajzë nga Dibra. Për herë të fundit e takova para 6 muajsh. Më ka prekur loti në zemër. Kam edhe dy vëllezër të tjerë. Dua drejtësi për vëllanë tim, dua të di të drejtat. Vëllai ka dy shenja një në kokë dhe një në anën e zemrës. Flamurin e mbaj për gjakun e vëllait që është derdhur” tha ajo.
Qytetarët ndodhen në protestë prej orës 16:30! Qindra qytetarë u mblodhën para Ministrisë së Brendshme dhe kërkuan dorëheqjen e Ministri Sandër Lleshaj.
Aktualisht ata janë zhvendosur para Kryeministrisë, ku kanë djegur edhe pemën e Krishtlindjeve.
