Prej orës 16:15 po vijon protesta përpara ministrisë së Brendshme e qindra qytetarëve që kërkojnë dorëheqjen e ministrit të Brendshëm Sandër Lleshaj pas ngjarjes së djeshme, ku Klodian Rasha u ekzekutua nga një efektiv policie.
Këngëtari Arkimed Lushaj, i njohur ndryshe si Stresi, është i pranishëm në protestën masive, ku bashkë me të rinjtë e tjerë kërkon drejtësi për Klodianin.
Stresi, i pyetur se çfarë do të bëjë nëse policia del kundër tyre, tha me bindje se është i aftë të vetëflijohet. Ai shtoi më tej se mund ta vrasin të parin, por policët duhet të dinë se atij ka kush ia merr hakun dhe se nuk është si Klodiani, që ishte vetëm atë natë.
“Do të flijohem. Le të vijnë të më vrasin…unë ja ku jam të më vrasin të parin po patën b*thë. Por ka një ndryshim unë nuk jam si Klodiani atë natë që ishte vetëm. I kam të gjithë me vete. Do të flijohem këtu se mu ka kush ma merr hakun. Unë jam Klodiani, unë jam Klodiani,”- tha Stresi ndër të tjera në fillim të protestës.
Ndërsa situata tashmë është përshkallëzuar, mësohet se Stresi ka marrë disa lëndime.
Për momentin turma ka dalë jashtë kontrollit dhe ka përplasje mes protestueseve dhe forcave të policisë. Protestuesit janë përpjekur të futen në ambientet e ministrisë ndërsa kanë thyer edhe xhama të dritareve.
Një përfaqësues i medias dhe një punonjës policie janë lënduar si pasojë e trazirave.
