Festat kanë trokitur edhe në shtëpinë e këngëtares së njohur Kida, e cila së fundmi ka ndarë me ndjekësit atmosferën e saj të fundvitit.
Në InstaStory, Kida ka publikuar një kënd të shtëpisë që duket fiks si një kartolinë.
Ajo ka treguar pemën e zbukuruar e cila duket sikur kanë rënë flokë dëbore, si dhe dekorin pranë saj me drerë e qirinj.
Kida është dashuruar me këtë pamje që i ka dhënë lezet shtëpisë së saj, ndaj s’ka mundur të mos e ndajë me ndjekësit në instagram.
Prej disa ditësh, rrjeti po zien nga lajmet e një bashkëpunimi të mundshëm me Butrint Imerin.
Shkak janë bërë fotot e këngëtarëve në studio, duke ngjallur dyshime se kanë bashkuar forcat për një projekt të përbashkët.
Si mbështetësit e Butrintit, ashtu edhe ata të Kidës po kryqëzojnë gishtat që diçka e tillë të ndodhë teksa mediat sociale janë tejmbushur me fotot e tyre.
Përveç kësaj për momentin nuk kemi asnjë provë tjetër që na vërteton faktin se ata po vijnë me një bashkëpunim, por kurrë s’i dihet.
Deri tani ata nuk i kemi parë në një duet, por si dy nga artistët më të suksesshëm të këtyre viteve të fundit, jemi të sigurtë se do ishte hit i garantuar.
