Këngëtarja Nora Istrefi i është bashkuar listës së personazheve “të paduruar”, të cilët e kanë nxjerrë më herët pemën e festave të fundvitit dhe kanë dekoruar shtëpinë e tyre.
As Nora nuk i rezistoi dot tundimit për të dekoruar ambientin e shtëpisë së saj me drita, fjongo e dhurata poshtë pemës.
Ka qenë vetë këngëtarja që ka ndarë në InstaStory këndin më të bukur të shtëpisë së saj, ku pema e Krishtlindjeve dhe e Vitit të Ri është vendosur pranë zjarrit.
Në dekorimet e saj mbizotëron ngjyra rozë, për ta bërë të duket akoma më shumë si një shtëpi vajzash, ku Renee dhe mami Nora do të kalojnë festat së bashku.
Megjithëse e ndarë prej më shumë se një viti nga Roberti, Nora takohet shpesh me ish-partnerin dhe ruan marrëdhënie tepër të mira.
Madje, ajo do të jetë shumë shpejt e ftuar në emisionin e tij “Robi plaket kur don vetë”.
