Justin Bieber di gjithmonë si ta trajtojë veten pas një dite të lodhshme pune. Këngëtari vendosi të ulej në një restorant për të drekuar, ndërkohë që atmosfera për të dukej krejtësisht e zymtë dhe e padurueshme për 22-vjeçarin.
Ai vuri re se tek tavolina ngjitur një grup të rinjsh po qanin ndërkohë që ishin “zhytur” në pije alkoolike. Menjëherë Bieber u ngrit nga tavolina për të pyetur kamerierin se çfarë ka ndodhur dhe ky i fundit i tregoi historinë më të trishtë.
Një nga miqtë e të rinjve që po pinin sapo kishte ndërruar jetë në përpjekje për t’i shpëtuar një zjarri të madh. Ai djalosh ishte vetëm 20 vjeç dhe e kishte humbur betejën me vdekjen.
I prekur thellë nga kjo histori, Justin iu afrua të rinjve për t’i ngushëlluar. Ai i qerasi me disa pije të tjera dhe në fund u pagoi faturën qindra dollarëshe në shenjë keqardhjeje.
Burimi: Daily Mail
