Më 27 nëntor këngëtarja Rita Ora festoi ditëlindjen e saj të 30-të dhe në rrjete sociale nuk munguan urimet e shumta.
Më i veçanti ishte ai i mamasë së Ritës, Vera Ora, e cila ndau një foto të vjetër të vogëlushes së saj.
Kjo ditëlindje në kohë pandemie ishte e pazakontë për Ritën, e cila është grimuar e është veshur dhe thjesht ka bërë foto me tortën në shtëpi.
Ajo ka treguar atmosferën festive që është përpjekur të krijojë për ditëlindje, ndërsa krahas postimit shkruan:
“Unë dhe torta dhe disa pantallona në të cilat s’mund të merrja frymë. Faleminderit për gjithë dashurinë. U ndje i çuditshëm fakti që s’bëra asgjë për ditëlindje, kështu që u vesha dhe hëngra tortë. Faleminderit për të gjithë dashurinë që më keni dhënë në ditën e lindjes. Ju jam kaq mirënjohëse të gjithëve ju. Sot do përfundoj pjesën tjetër të tortës për mëngjes, drekë dhe darkë.”- shkruan ajo me humor.
View this post on Instagram
Mirëpo, ajo nuk na tregoi surprizën më të bukur që kishte marrë. Mbrëmjen e djeshme, autorja e hitit “Hot right now” ka ndarë me ndjekësit videon që familjarë, miq dhe kolegë kishin përgatitur për të.
Rita shihet e ulur në shtëpinë e saj kur në televizor shfaqet videomesazhi, në të cilin çdo person ka bërë urimin e tij.
Të parë shfaqen prindërit e këngëtares, më pas Presidentja e Kosovës Vjosa Osmani, kryebashkiaku i Tiranës Erjon Veliaj, Era Istrefi e shumë personazhe të njohur si Shawn Mendes, Sam Smith, Liam Payne etj.
Videoja surprizë e ditëlindjes!! ?
Ekipi im më befasoi me këtë video për ditëlindjen time këtë javë dhe unë qava nga gëzimi dhe lumturia !!!! Nuk mund ta besoj se kam qarë kaq shumë!
Unë jam shumë mirënjohëse për të gjithë miqtë dhe familjen time për të gjithë mbështetjen që më kanë dhënë gjatë 30 viteve të fundit të jetës sime !!! Mu desh të shkurtoja të gjitha mesazhet e bukura, por unë jam aq mirënjohëse për të gjithë ata që dërguan mesazhet e tyre, ju e dini kush jeni dhe unë kurrë nuk jam ndjerë kaq e rrethuar me dashuri. Shpresojmë se ne mund të festojmë së bashku një ditë, të lumtur dhe të shëndetshëm.
Faleminderit të gjithëve që më bënë të ndihem kaq mirë dhe fansave të mi veçanërisht, ju dua shumë !! Për 30 vitet e ardhshme !!!!!
View this post on Instagram
