Koronavirusi i ka marrë jetën piktores së njohur shqiptare, Lumturi Blloshmi. Është mësuar se e ndjera luftonte prej 3-javësh me virusin e rrezikshëm dhe nuk ka mundur ta fitojë betejën me të. Pas ndarjes së saj nga jeta ka reaguar edhe ministrja e Kulturës, Elva Maragariti, përmes një deklarate në rrjete sociale.
“COVID-19 na mori sot një tjetër emër të madh të artit shqiptar: Lumturi Blloshmin, ndër të paktat artiste pamore të brezit të saj, që sfiduan kohën, sistemet politike, ndryshimet e mëdha. Kur vizitova “Arkivin e hapur” në Galerinë Kombëtare të Arteve u ndala përpara bustit të saj. Një portret i skalitur ashtu si ishte arti dhe qëndrimi i saj estetik. Lamtumirë e shtrenjta Lume! Ti që na fole me veprën tënde më shumë se mijëra fjalë”, shprehet Margariti.
Kur vizitova “Arkivin e hapur” në Galerinë Kombëtare të Arteve u ndala përpara bustit të saj.
Një portret i skalitur…Posted by Elva Margariti on Friday, 27 November 2020
Lumturi Blloshmi është vlerësuar si një përfaqësuese e denjë e pikturës bashkëkohore shqiptare dhe është krahasuar me Frida Kahlon. Ajo lindi në Tiranë në vitin 1944 dhe në 1968 u diplomua për pikturë. Në vitin 1988 çeli ekspozitën e parë personale në Berat dhe po atë vit mori pjesë në Bienalen e Ankarasë (Egjypt). Në fillim të viteve ’90, Blloshmi ishte ndër artistët e parë shqiptarë, që i dha frymëmarrjen e parë artit modern dhe postmodern shqiptar përmes performancave dhe instalacioneve.
Gjatë viteve ’89-’91, çeli dy ekspozita vetjake në GKA. Midis viteve 1992- 2010 Blloshmi ka marrë pjesë në ekspozita të ndryshme në grup si në Selanik, Madrid, Lion, Budapest, Stamboll, Paris, Zyrih, Gjenevë, Modena, Hag, Neë York etj. Gjithashtu, Blloshmi ka fituar konkursin ndërkombëtar “Onufri ’94”. Vitet e fundit Lumturi Blloshmi u prezantua me ekspozita në disa galeri private në Tiranë, Durrës dhe Korçë.
