Për një gjë jemi të gjithë dakord: Justin dhe Hailey Bieber janë dhe do jenë gjithë shumë të komentuar.
Dhe po ashtu, të gjithë jemi të vetëdijshëm se pas martesës me modelen amerikane, këngëtari është bërë një djalë i mbarë, që qëndron larg skandaleve.
Madje kohët e fundit ai na ka habitur të gjithëve me këngët e reja ku shfaqet tejet nostalgjik, duke na njohur me realitetin e famës në adoleshencën e tij dhe pasojat e të qenurit në qendër të vëmendjes kur je ende fëmijë.
Nuk është surprizë fakti se Justin është tepër, por tepër romantik. Ai ndan shpeshherë foto të partneres së tij në rrjetet sociale, duke mos harruar edhe dedikimet e veçanta dhe plot dashuri.
Edhe mbrëmjen e sotme ai ka publikuar një foto të Hailey-t në Instagram, por në fakt kjo foto mori vëmendjen t ë gjithëve jo nga dedikimi i tij, por nga look-u i Hailey-t.
Ajo shfaqet me flokë rozë dhe kjo gjë ka lënë ndjekësit pa fjalë. Vetë 24-vjeçarja nuk ka ndarë ende foto me këtë ndryshim në rrjetet sociale.
Në Instastory-t që ajo ka publikuar pak orë më parë shfaqet bjonde. Por, ja për këtë punë kemi Justin.
View this post on Instagram
Nuk e dimë nëse juve ju pëlqen Hailey me flokë rozë, por përshtypjet në komentet poshtë fotos janë pozitive.
Justin dhe Hailey janë përfolur kohët e fundit se po presin fëmijën e tyre të parë. Ishte modelja ajo që mohoi zërat në një status, ku shprehej se mediat duhet të ndalojnë së shkruari gjëra të pavërteta.
Ajo po ashtu, u ka dhënë fund zërave që flisnin se ajo u bë shkak për ndarjen e Justin nga Selena, duke u shprehur se ajo është lidhur me këngëtarin gjatë kohës që ai ishte beqar dhe i ndarë nga Gomez.
“Njerëzit nuk e dinë se ne kemi folur për një periudhë kohore, para se të lidheshim së bashku. Ndryshe nga si e dini ju, Justin ka qenë beqar për një kohë dhe unë po ashtu, dhe ishim të dy duke u përpjekur të zbulonim gjëra të reja”, ka thënë Hailey.
