Olta Gixhari po e shijon në maksimum faktin e të qenurit nënë. Hera-herës ajo ndan me ndjekësit e saj në rrjetet sociale foto e video me Amar, ndonëse deri tani nuk na e ka zbuluar portretin e tij.
Kështu ka vepruar edhe ditën e sotme kur ka publikuar një video me të voglin e saj. Ata ndodhen në makinë teksa Olta mban Amar në krahë duke e puthur dhe përqafuar.
Ajo e ka veshur të voglin me të bardha dhe një kapuç duke na lezetuar ditën.
Aktorja shumë e dashur për publikun shqiptar është bërë më 22 gusht nënë për herë të parë.
Ajo ka mirëpritur në jetë fëmijën e saj të parë, ndërsa lajmin e bukur e ka ndarë vetë në rrjete sociale. Olta ka publikuar një foto me trëndafila të bardhë, duke lënë të kuptohet se djali saj ka ardhur në jetë.
Olta ka treguar se ka zgjedhur që të voglin e saj ta quaj AMAR, emër që vjen nga hebraikja dhe do të thotë “i përjetshëm’, dhe në arabisht do të thotë Hënë.
Gjatë këtyre muajve, ajo na ka treguar se po e shijon shumë mëmësinë dhe hera-herës ndan foto me të voglin e saj duke na zbukuruar rrjetet sociale.
