Fifi është padyshim një nga këngëtaret më të mira në industrinë e muzikës shqiptare që ka ditur gjithmonë si të vjedhë zemrat e publikut, sidomos me baladat e saj të famshme.
Mirëpo, ndër të tjera Fifi është komentuar edhe për format e saj trupore për të cilat nuk ka patur kurrë komplekse të flasë hapur dhe të përcjellë mesazhe mjaft domethënëse për të gjitha vajzat që mendojnë se dukja ka më tepër rëndësi se ajo çka ato zotërojnë me zemër e mendje.
Megjithatë, kohët e fundit, autorja e hiti “Zhurëm” ka nisur rrugën e gjatë të ndryshimit, pasi ka vendosur të humbasë disa kilogramë dhe kjo për shkak të shëndetit. Ajo ka treguar në intervista të ndryshme se kilogramët e tepërt po i sillnin probleme serioze shëndetësore.
Tashmë vihet re tepër ndryshimi që i ka shkaktuar humbja në peshë, pasi ajo duket si tjetër njeri, shumë e bukur, ndonëse dukej një yll edhe më parë.
Por, a jeni kuriozë ta shihni se si dukej Fifi në fëmijëri?
Këngëtarja ka postuar pak minuta më parë një foto nga periudha kur ishte e vogël e paska qenë po aq yll sa sot. Nuk dihet se në çfarë moshe ka qenë këngëtarja këtu, por ajo pozon krah të afërmve të saj, teksa flokët i ka të zeza dhe me balluke.
Pak ditë më parë, Fifi publikoi “Ninullë dashnie” në Spotify , teksa ende nuk është publikuar në You Tube, por me siguri do të kthehet në të preferuarën tonë. (KLIKO)
Sakaq, edhe pak ka mbetur nga publikimi i super bashkëpunimit mes Fifit dhe Bardhit. Sikundër na bënë me dije në “Shiko kush luan”, kënga ka përfunduar dhe do publikohet në dhjetor ndonëse ende nuk ka një datë publikimi.
