Eduart Grishaj është kthyer në një nga figurat më të dashura për publikun shqiptar, e njëkohësisht një nga regjisorët më të suksesshëm.
Vitin e kaluar ai solli në ekranin e madh të kinemasë filmin “Gjyshja”, që rezultoi shumë i suksesshëm, ku ai bëri publike edhe lidhjen me Arbanën, pikërisht në premierën e filmit.
E si duket në hapat e tij po ecën edhe Joni. Ditën e sotme, Eduarti ka ndarë një foto nga vendi i punës ku Joni shihet i ulur në karrigen e tij, teksa ka përballë edhe disa kamera.
Eduarti nuk ka shkruar gjë përkrah kësaj fotoje që flet më shumë se një mijë fjalë.
Një vit më parë teksa ishte i ftuar në emisionin “Ftesë në 5” ai ka treguar se me Jonin kalojnë shumë kohë bashkë teksa tha me nota humori asokohe se po përgatitet t’ia dorëzojë Jonit aparatin e fotografive.
“Jam duke e përgatitur Jonin që edhe pak t’ia dorëzoj atij aparatin të merret me fotot e gatimeve të Arbanës se gatimet janë aq të shijshme sa unë nuk i rezistoj dot”, ka treguar regjisori.
Kujtojmë se Eduarti po punon për një projekt të ri kinematografik dhe si duket po bën edhe Jonin pjesë të tij pak nga pak, sigurisht pas kamerave.
Sakaq, po shijon edhe eksperiencën e të qenurit baba për herë të parë, pasi muajin e kaluar ai dhe Arbana u bekuan me një djalë që e quajtën Diell.
View this post on Instagram
