Vetëm dy muaj pasi shpallën fejesën, këngëtarja Demi Lovato i dha fund marrëdhënies së saj me partnerin Max Ehrich.
Ky i fundit e ka përjetuar keq ndarjen, duke ndarë vazhdimisht me ndjekësit në rrjete sociale ndjesitë e tij të hidhura dhe për më tepër u fotografua duke qarë në vendin ku i kishte propozuar Demi-t.
Nga ana tjetër, këngëtarja e “Confident” ka qenë gjithmonë e rezervuar kur bëhet fjalë për jetën e saj personale.
Megjithatë, Demi e ka thyer akullin dhe ka përmendur fejesën teksa listonte ngjarjet që i ndodhën në vitin 2020, teksa ishte në People’s Choice Award.
“Sinqerisht, ky vit ka qenë si tre vitet më të gjata të jetës sime. Në fakt, fillimi i vitit ka qenë fantastik. Unë interpretova në Grammy dhe këndova himnin kombëtar në Super Bowl, por më pas, ndodhi pandemia: Gjithçka u mbyll. Unë u fejova, fillova të pikturoj, të merrem me fotografi dhe të meditoj. Pashë 7 sezonet e Pretty Little Liars pa ndërprerje, u ndava dhe më pas, fillova të kërkoj për alienë në shkretërirë. Pra, gjëra që i bëjmë të gjithë.”- u shpreh ajo.
Mirëpo, ish-i i saj Max Ehrich s’ka ndërmend ta lërë të qetë dhe po kërkon me ngulm vëmendjen e këngëtares.
Në komentet publike në Instagram, ai i ka kërkuar Demi-t të mos shfrytëzojë fejesën apo ndarjen për vëmendje, megjithëse që prej ndarjes Demi s’i ka kushtuar më aspak rëndësi kësaj teme.
“Ndalo së foluri për mua në shfaqje çmimesh. Faleminderit.”
“Shfrytëzimi i ndarjes sonë për vëmendje nuk është diçka e mirë.”- ka shkruar Max, i dëshpëruar, në komentetet e këngëtares.
Megjithatë, ai s’ka marrë një përgjigje nga Demi as kësaj here.
