Hailey Bieber feston sot 24-vjetorin e lindjes dhe nga kush mund ta merrte një urim romantik, përveçse nga Justin Bieber?! Këngëtari ka publikuar në Instagramin e tij disa nga fotot më të bukura të bashkëshortes dhe i ka dedikuar fjalët më të bukura.
“Sytë e mi janë për ty. Zemra ime është për ty. Shpirti im është për ty. Dashuria ime është për ty. Unë jam shtëpia kudo që ti të jesh. Ti je vendi im i sigurt. Jam plotësisht dhe kryekëput i fiksuar me atë që ti je. Ëndrra ime më e madhe është që të plakem me ty. Nuk mund ta besoj që ti je e imja pëërgjithmonë. Gëzuar ditëlindjen zemër”, ka shkruar Justin.
View this post on Instagram
Dyshja e njohur kanë 2 vite që janë celebruar, ndërkohë që para 1 viti organizuan një ceremoni martesore. Justin dhe Hailey janë përfolur shumë gjatë lidhjes së tyre për shkak të ulje-ngritjeve të shumta.
Së fundmi Hailey i ka dhënë fund zërave se ajo u bë shkak për ndarjen e Justin nga Selena, duke u shprehur se ajo është lidhur me këngëtarin gjatë kohës që ai ishte beqar dhe i ndarë nga Gomez.
“Njerëzit nuk e dinë se ne kemi folur për një periudhë kohore, para se të lidheshim së bashku. Ndryshe nga si e dini ju, Justin ka qenë beqar për një kohë dhe unë po ashtu, dhe ishim të dy duke u përpjekur të zbulonim gjëra të reja”, ka thënë Hailey.
