Pandemia Covid-19 duket sikur i ka bërë “pause” jetës dhe të gjitha aktiviteteve të saj.
Kujdesi që tashmë duhet të tregojmë është maksimal dhe e para gjë e ndaluar janë grumbullimet, me qëllim parandalimin e përhapjes së virusit.
Tashmë i kemi thënë “bye-bye” koncerteve dhe festave të mëdha, mirëpo kjo po i mungon shumë Ylli Limanit.
Këngëtari ka kujtuar kohët e vjetra kur bënte namin në koncerte dhe s’kishte asnjë problem.
Në një postim në InstaStory, ai ka ndarë një video të vjetër të tijën teksa i ka vënë flakën skenës e publikut, ndërsa këtë periudhë të bukur e quan:
“Kur Korona ishte vetëm birrë”
Video është regjistruar në nëntor të vitit që lamë pas, atëherë kur jeta ishte e bukur për të gjithë dhe askush s’e dinte ç’na priste më vonë.
Epo, shpresojmë se ditë më të mira do të vijnë!
