Zyrtarisht jemi në stinën e dimrit! Ulja e ndjeshme e temperaturave ka sjellë reshjet e para të borës në juglindje te vendit më konkretisht në fshatin turistik të Dardhës.
Reshjet nisën që më mesditë dhe janë me intesitet të ulët dhe sipas zyrtarëve të ARRSH, reshjet e pakëta do të përfshijnë fshatrat turistike, si Dardhën,Voskopojën dhë Qafë-Qarrin, ndërsa kontraktorët janë në gadishmëri për çdo situatë.
Edhe në këto orë të natës reshjet e borës vijojnë në qarkun e Korçës. Madje për shkak të pranisë së borës, mësohet se ka pasur edhe probleme në qarkullimin e automjeteve.
Sipas Meteoalb, temperaturat e ajrit u ulën sot në vlerat minimale dhe maksimale duke u luhatur nga -2°C mëngjesi në zonat malore deri në 17°C mesdita në zonat jugperëndimore.
