Luana dhe muzika- duket se do ecin gjithnjë paralelisht me njëra-tjetrën dhe këtë moderatorja na e ka vërtetuar disa herë.
Pasioni i saj për të kënduar është rritur bashkë me të, por rastet kur ajo këndon në emisionin e saj “Shiko kush luan” numërohen me gishtat e dorës.
Por, si duket një përjashtim e ka bërë këtë herë për një arsye shumë të fortë. Ditën e sotme ajo ka regjistruar emisionin për festat kombëtare të 28-29 nëntorit dhe si surprizë ka kënduar live në emision.
Nga kjo performancë ajo ka marrë shumë komplimenta dhe ne mezi po presim ta shohim.
Moderatorja ka publikuar dy video në Instastory duke na e treguar vetë këtë fakt teksa ka shkruar:
Për 28 nëntor në “Shiko kush luan” kam kënduar live! Dhe mezi po pres ta dëgjoni se kam marrë super komplimenta!
Ndonëse “Shiko kush luan” po i merr goxha kohë dhe energji, nisur edhe nga super suksesi që po korr, ajo sërish ka gjetur pak kohë për në studio, ku mesa duket po punon për një projekt të ri.
Ishte vetë Luana që postoi disa video në llogarinë e saj në Instagram disa ditë më parë, duke zbuluar surprizën të cilën deri tani e kishte mbajtur të fshehtë.
Luana po sjell një këngë të re, vijën melodike të së cilës e ka shkruar vetë për herë të parë.
E teksa Luana na la ende në kuriozitet një detaji po na bën të mendojmë se ajo do vijë në një bashkëpunim. Dhe nuk po flasim për një emër dosido, por për Guaynaa.
“iconstyle.al” vuri re disa ditë më parë se reperi nga Puerto-Rica ka filluar të ndjekë Luanën në Instagram, e po ashtu edhe ajo.
Guaynaa është i njohur për mega hitin “ReBoTa”, e cila u bë kënga e tij e parë që arriti në “Billboard Hot Latin Song” në prill, 2019.
Kjo këngë numëron jo pak, por 417 milionë klikime.
Ndërkohë, jo më pak i sukseshëm rezultoi bashkëpunimi i tij me Lele Pons “Se te nota”, i publikuar 2 muaj më parë.
Kënga ka bërë xhiron e rrjetit dhe numëron 156 milionë klikime.
Mesa kemi parë në rrjetet sociale dhe në “Shiko kush luan”, moderatorja i pëlqen shumë këto këngë pasi i luan shpesh dhe duhet ta pranojmë se një bashkëpunim mes tyre do ishte WOW.
Megjithatë, duhet ende të presim që zërat të konfirmohen nga vetë ajo, ose të mohohen.
