Po bëhen thuajse dy vite që nga koha kur Rina Balaj dhe reperi Sin Boy nisën romancën e tyre, të cilën s’mundën ta mbanin dot për shumë gjatë të fshehtë nga publiku.
Ata bashkëjetojnë prej kohësh dhe përveçse partnerë në jetë, janë gjithashtu partnerë në muzikë.
Rina dhe Sin boy jo vetëm që kanë lançuar këngë së bashku, por ndihmojnë edhe tjetrin në projektet personale.
Për Rinën, partneri i zemrës është personi më punëtor që njeh, të cilin sot e ka gjetur plot energji sapo ka hapur sytë në mëngjes.
Në një video në InstaStory këngëtarja ka publikuar Sin Boy, i cili shfaqet duke kërcyer teksa dëgjon projektet e tij të reja.
Kjo ishte pamja e mëngjesit të Rinës, e cila nuk e ka kursyer një dedikim romantik për mashkullin që i ka vjedhur zemrën.
“Zgjohem kështu çdo ditë! Ai është personi më punëtor që kam takuar ndonjëherë. E ka përfunduar albumin e tij në 5 ditë.”- shkruan Rina e cila vlerëson publikisht partnerin e saj.
Projekti i fundit i përbashkët i çiftit erdhi gjatë muajve të verës.
Kënga e tyre u titullua “Fallin’ in love” dhe dukej si një dedikim për njëri-tjetrin, që deri tani numëron 6.9 milion klikime në Youtube.
