Gashi humbi 2 ditë më parë një nga njerëzit më të shtrenjtë të familjes së tij, një nga kushërirat me të cilat ka pasur një lidhje të ngushtë. Lajmin e trishtë e dha vetë reperi përmes postimeve në rrjete sociale, ku shfaqej pranë arkivolit të kushërirës së ndjerë me maskë në fytyrë.
Ndërkohë sot ai ka treguar se ka humbur sërish një njeri të afërt të familjes së tij. Reperi ka shprehur gjithë hidhërimin përmes një postimi, duke zbuluar se ka humbur xhaxhanë. Gashi ka ndarë në Instagram një foto të të ndjerit dhe ju ka bërë thirrje fansave që të thonë sa më shumë të dua, sepse ky vit nuk por tregohet i mëshirshëm me askënd.
“Për të gjithë ata që po e shohin këtë… Unë humba 2 pjesëtarë të familjes në 1 javë. Lutuni dhe filloni të thoni më shumë ‘Të dua’, sepse 2020-ta nuk po luan me askënd. U prehsh në paq xhaxhi E”, ka shkruar Gashi.
Ndërkohë para disa ditësh reperi ndau me fansat një rrëfim shumë të sinqertë, duke treguar se këtë vit ka kaluar momentet më të vështira të jetës.
“Kam kaluar momentet më të vështira në jetën time në 2020… Njerëzit vazhdojnë më pyesin pse jam i mërzitur, ka shumë arsye të jem i sinqertë… më është thyer zemra. Nuk mund të bëj turne për albumin tim të ri që të heq mendjen. Gjithashtu varrosa kushërirën time dje, që ishte një nga njerëzit më të mrekullueshëm! Ajo ishte shumë e re dhe kishte shumë ëndrra të mëdha dhe do të bënte një ndryshim të madh në botë, por jeta ju ndërpre në mes dhe po mendoj për këtë gjë… mendoj se nuk jam shumë i mirë në pranimin e vdekjes. E dua shumë familjen time. Mendoj shumë për prindërit e mi, ata po plaken dhe mendimi se mund të më lënë një ditë… nuk e di nëse do mundem ta përballojë këtë gjë.
Por gjithashtu ndjej se kjo botë është e përkohshme dhe nuk duhet të bie në dashuri me të. Kur largohesh nuk merr asgjë me vete, por veprimet e tu. Dua të jem një djalë më i mirë… person më i mirë me të tjerët, sepse jeta është shumë e shkurtër që të jesh i mërzitur gjatë gjithë kohës. Shpresoj që bota të hapet sërish kështu që mund të bëj çfarë të dua dhe të vazhdoj të bëj diferencën. Gjithashtu pashë këtë fundjavë përse miqtë e vërtetë janë të rëndësishëm. Sepse të gjithë ne do të kemi ditë të këqija dhe do të kemi nevojë për ta gjatë kohëve të këqija. Nuk mund ta kalosh diçka të tillë vetëm. Mos ju frikësoni vdekjes dhe harroni të jetoni. Faleminderit për mesazhet dhe dashurinë. Zoti e di sa më ndihmoi”, shkroi Gashi.
