Fjoralba Ponari, përveçse një vajzë shumë e bukur dhe me një zë kaq të adhurueshëm, na tregoi vite më parë kur konkurroi në “The Voice of Albania” se ishte e lindur për televizion.
Brenda pak kohësh asaj ju besuan një sërë programesh në Top Channel, si: “The Voice”, “Procesi sportiv”, “Ora e Tiranës”, “E diell”, duke u kthyer në një prej figrava më të dashura për publikun shqiptar.
Ndërkohë, sikundër e dimë, bukuroshja bjonde është nën menaxhimin e Mc Kreshës, teksa në verë na zbuloi se do sjellë një bashkëpunim me Lyrical Son.
Pak javë më parë, ajo ka treguar se me Mc Kreshën ka më shumë se një bashkëpunim, si edhe ka disa emra të mëdhenj që do jenë pjesë e albumit. Për publikimin e tij ai ka thënë se nuk mund të arrihet brenda vitit 2020.
Fjoralba prej kohësh po u mban të fshehtë fansave të saj një lajm të madh, të cilin ka vendosur ta zbulojë hap pas hapi.
Pak javë më parë, moderatorja tregoi e lumtur për ndjekësit e saj se i ishte realizuar dëshira më e madhe që kishte shprehur për vitin 2020. Më vonë ajo publikoi një video, në të cilën shihej e rrethuar nga disa fëmijë, duke treguar se kjo ka të bëjë me të rejat e saj më të fundit.
Ndërkohë pak ditë më parë, ka postuar foton e disa çelësave, për të treguar se i është hapur një derë e madhe.
Megjithatë, ditën e sotme i ka kaluar të gjitha pritshmëritë tona, pasi na ka lënë të kuptojmë se po hedh një hap drejt një fushe të re siç është kinematografia.
Fjoralba ka postuar një status në Instastory, ku shkruan “Po sikur të tentojmë një herë edhe nga aktrimi”, duke shtuar në anglisht “Çfarë po bëj me jetën time!”
Nuk e dimë se çfarë po bën Fjoralba, por po bën shumë mirë. Në pak kohë, bukuroshja bjonde ka dëshmuar se i bën të gjitha, dhe me këtë të sotmen i vendosi vulën.
