Prej kohësh ne dyshuam se diçka mes dyshes po kurdisej, kur u panë të shoqëroheshin shpesh së bashku. Por tashmë e dimë se çfarë!
Këngëtarja pop Lady Gaga dhe aktori Bradley Cooper do të luajnë bashkë në rikrijimin e dramës klasike të “Hollywood”-it, “A Star is Born”, konfirmoi “Warner Bros”.
Pasi njoftoi për librin e saj me receta gatimi dhe këngën single që do të realizojë, ylli i popit, ka njoftuar për rolin më të madh të karrierës së saj në botën e filmit.
Roli si protagoniste që do të mbajë Lady Gaga, më parë është mbajtur nga Judy Garland në vitin 1954 dhe Barbra Streisand në vitin 1976. Filmi flet për vajzën naive të “Hollywood”-it, e cila bie në dashuri me një aktor problematik, karriera e të cilit fillon të pësojë rënie.
Ndoshta 30-vjeçarja, do të shërbejë si ogur i mirë për Bradley, pasi ai do të bëjë debutimin e tij si regjisor në këtë film për ehrë të parë. Gjithashtu Gaga do të kompozojë dhe të performojë muzikë të re për filmin.
Transformimi i karrierës së “The Monster”, që nga fustani prej mishi deri te çmimi i Golden Globe ka qenë plot surpriza, por çdo gjë rreth “A Star is Born” duket në rregull për të.
Burimi: BBC
