E diela ka nisur me një lajm të hidhur nga bota e kinematografisë shqiptare, pasi aktori i mirënjohur Koço Devole është ndarë nga jeta në moshën 75-vjeçare.
Ai po luftonte prej 18 ditësh me virusin Covid-19, ndërsa gjendja e tij u përkeqësua së fundmi, ndaj Devole u fut në intubim.
Aktori u shtrua fillimisht në spital si i infektuar me Covid, por pasi tamponi i doli negativ, u shtrua sërish në spital për shkak të rëndimit nga leuçemia.
Devole vuante nga sëmundje të tjera bashkëshoqëruese që e kanë vështirësuar betejën e tij me Covid-19, duke e ndarë fatkeqësisht nga jeta.
Infermieri në Spitalin Infektiv, Korab Gjana, ka treguar momentet e fundit të aktorit dhe bisedën që ka zhvilluar me të.
Ai rrëfen se ka kontrolluar çdo mëngjes të infektuarit me radhë dhe kur ka arritur tek Devole, ku i fundit i ka shprehur shqetësimin e tij:
“Në mëngjes po shikoja me nxitim të sëmuret me radhë… Kur mbërrij tek dhoma e shtrimit të Koços :
“Hë mo Koço si je sot?”
-“Ahh mor Korab si të jem”- më përgjigjet. Çfarë dreq virusi paska qenë ky që po ma merr shpirtin…”
Njeriu që do i mungojë çdokujt! Ky virus s’të kurseu as ty”- ka rrëfyer infermieri Gjana.
