Vogëlushja e Kylie Jenner, Stormi Webster, është një ndër bebushat më të njohur e të komentuar në mbarë botën.
Me qëndrimin, sjelljet e ëmbëlsinë e saj, Stormi ka rrëmbyer zemrat e të gjithëve dhe merr gjithmonë vëmendjen e ndjekësve të mamasë së saj në Instagram.
Fansat e Kylie-t presin me padurim foto apo video të Stormi-t, e cila po rritet dita-ditës dhe është kthyer në një zonjushë të vogël.
Madje ajo tani e ka “të nevojshme” të kombinohet me Kylie-n në veshjet e saj, ndaj 22-vjeçarja s’ka vonuar t’i bëjë të bijës dhuratat e shtrenjta.
Stormi ka nisur që tani të mësohet me jetën e luksit dhe ndonëse është vetëm 2 vjeçe dhe sapo ka blerë një çantë që kushton më shumë se të gjitha çantat tona të mbledhura bashkë.
Disa javë më parë Kylie postoi në Instagram një foto të Stormit duke mbajtur në krahë një çantë Hermes para nisjes së kopshtit. Asokohe kjo çantë bëri xhiron e rrjetit, sepse kushtonte jo pak por 12 mijë dollarë!
Së fundmi, rrjetet sociale po ziejnë sërish rreth veshjes së Stormit, konkretisht bluzës së saj, e cila kushton 350$.
Bëhet fjalë për një hoodie portokalli ‘Balenciaga’, të cilën ia kemi parë veshur në videot e fundit të postuara nga mami Kylie në Instagram.
Që në këtë moshë ajo thuajse e ka plotësuar koleksionin me brandet më të njohura. Mjafton të përmendim këtu çantën e personalizuar Louis Vuitton, që tezja e saj, Khloe Kardashian, i bleu në fillim të këtij viti dhe që kushtoi rreth 2 mijë dollarë.
