Piktori Alkent Pozhegu nga Gjakova bëhet gati të thyejë një rekord të Guiness me portretin e Joe Biden, ndërtuar me fara. Ai po bënte rregullimet e fundit të mozaikut të tij me fytyrën e Joe Biden, kur u shkrep fotoja që po bën xhiron botërore në rrjetet sociale.
Ajo u bë shpejt virale në rrjete sociale, dhe u cilësua si fotografia e ditës në të përditshmen “Neë York Times”, “The Guardian”, “Le Dauphine”, “Sky Neës” dhe “Telegraph”.
“Radio Europa e Lirë”, listoi fotografinë e tij në foto e javës duke theksuar më tej rolin e Biden në Kosovë.
“Si senator, Joe Biden ka qenë një mbështetës me ndikim për pavarësinë së Kosovës. Në vitin 2016, si nënkryetar i Barack Obama, ai e konsideroi si përparësi për Shtetet e Bashkuara të punojnë për suksesin e Kosovës së pavarur”, shkruan RFERL nën foton e Pozhegut.
Pozhegu është mbajtës i rekordeve botërore të Guinness: ‘Largest Grain Mosaique’ (30 Maj 2014) dhe ‘Largest Seed Mosaique’ (15 Maj 2017). Më parë ka fituar Guiness për mozaikun me dy emrat e futbollistëve Cristiano Ronaldo dhe Messi.
Në vitin 2017 shënoi rekord me mozaikun e Rita Orës që ishte 300 metra katrorë ku deshën 2 tonë drithëra, dhe së fundmi me mozaikun e Donald Trump-it, mozaik prej 560 metrash katrorë./Iconstyle.al/
