Fansat e Drake që morën pjesë në ndalesën e turit të tij “Summer Sixteen”, në Detroit të martën, përjetuan një moment që vjen një herë në jetë, kur ai prezantoi në skenë Eminem-in.
Marshall Mathers nuk kishte nevojë për një prezantim për ta bërë turmën që të shpërthente në brohoritje, por Drake gjithsesi bëri një të tillë. “Detroit, bëni zhurmë për reperin më të madh ndonjëherë që ka kënduar”, iu drejtua Drake duke iu përkulur.
Pjesëmarrësit brohorisnin për të ftuarin, ndërsa para se dyshja të këndonte “Forever”, Eminem ia ktheu nderin: “Është një nder të ndash skenën me këtë personin këtu”.
Paraqitja e Eminem në arenën “Joe Louis” shënoi herën e parë të daljes së tij në Detroit që prej nëntorit të kaluar. Pas shfaqjes, Eminem ndau një foto të dyshes në “Instagram”.
Paraqitja e dyshes hodhi poshtë zërat për një sfidë mes tyre, ku Eminem raportohet se po përgatiste një diss për Drake. Koncerti bëri histori duke surprizuar të gjithë fansat me të ftuarin e pazbuluar më herët.
Deri më tani në turneun e tij, Drake është shoqëruar në skenë nga Rihanna, Kanye West, LeBron James, French Montana, Cam’ron, Juelz Santana, J. Cole, Fat Joe, Remy Ma, etj.
Drake brought out Eminem and the crowd thought it was the second coming of Christ pic.twitter.com/WhxnZ3UHIm
— Kenny (@PhillyCustoms) August 17, 2016
Burimi: Billboard
