Kejvina Kthjella dhe Tayna janë dy emra shumë të dëgjuar për publikun shqiptar. Të dyja janë shumë aktive në rrjetet sociale ku vazhdimisht postojnë foto nga më të ndryshmet, duke na lënë shpeshherë pa fjalë me fizikun e tyre të mrekullueshëm.
Përveç kësaj ato duket të jenë të pandara dhe hera-herës pozojnë bashkë, duke i vënë flakën rrjetit, teksa pozat e shpeshta krah njëra –tjetrës dëshmojnë për një shoqëri të fortë mes gocave.
Mirëpo, ditët e fundit fansat kanë aluduar se shoqëria mes tyre mund të ketë marrë fund dhe shkak u bë pikërisht fakti se Kejvina e ka hequr reperen nga lista e personave që ndjek.
E duke qenë se rrjetet sociale tregojnë shumë ditët e sotme, kjo është marrë si një shenjë se miqësia e tyre mund të jetë krisur. Ndërkohë, vlen të theksohet se Tayna e ndjek ende bukuroshen bjonde.
Ata që janë mërzitur më shumë nga kjo situatë janë fansat e reperes, që nuk kanë ngurruar t’i kërkojnë llogari Kejvinës se përse i ka bërë unfollow Taynës.
Një koment i ka rënë në sy edhe vetë asaj dhe padyshim i ka kthyer edhe një përgjigje, duke sqaruar se nuk ka ndodhur asgjë dhe se janë mikesha si më parë.
Fansja: Pse ja ke heq Taynës follown mi ti?
Kejvina: Vetëm për ca ditë e kam shpjeguar arsyen. Mos u merakosni, vazhdojmë të duhemi shumë.
Të shtunën në mbrëmje , Kejvina ka thyer heshtjen e ka folur rreth asaj që ka ndodhur mes saj dhe ish-shoqes së ngushtë, Vildane Zenelit. E ftuar në “Shiko kush luan”, bukuroshja bjonde u pyet rreth këtij konflikti dhe ajo nuk hezitoi të pranonte se “po” mes tyre ka ndodhur një sherr.
Megjithatë, preferoi mos të ndante detaje, pasi siç tha janë shumë gjëra që lidhen njëra me tjetrën dhe do donte shumë kohë t’i tregonte të gjitha, por tha se Vildania është munduar të abuzojë me të.
Thuhet se shoqëria mes teje dhe Vildane Zenelit nuk ekziston më, duam të dimë arsyen e kësaj zënke. Ndaje sot me ne arsyen në “Shiko Kush Luan” ose zhyt duart në…”,- ishte kjo pyetja që iu bë modeles, e cila zgjodhi të përgjigjej.
Po jam zënë me Vildanen, kemi kohë të gjatë që nuk flasim më dhe arsyeja është se për faktin se unë kam qenë e vetme atje, ajo është munduar disi të abuzojë pak me mua”,- tha Kejvina duke shtuar me shaka: “Jemi zënë për karikues”.
