Modelja Chrissy Teigen dhe bashkëshorti i saj, muzikanti John Legend, humbën në fillim të muajit tetor fëmijën e tretë që prisnin të vinte në jetë. Pas disa komplikacioneve me shtatzëninë e saj, Chrissy nuk arriti të sillte në jetë vogëlushin.
“Ne kurrë nuk vendosim për emrat e foshnjave tona deri në momentin e fundit të mundshëm pasi të kenë lindur, pak para se të largohemi nga spitali. Por ne, për ndonjë arsye, kishim filluar ta quanim këtë djalë të vogël në barkun tim Jack. Kështu që ai do të jetë gjithmonë Jack për ne. Jack ka punuar aq shumë që të jetë pjesë e familjes tonë të vogël, dhe ai do të jetë, përgjithmonë”, shkroi Teigen përkrah disa fotove që të thyenin zemrën me vogëlushin e pajetë në krahë.
Dhe për ta pasur gjithmonë pjesë të jetës së saj, Chrissy ka gdhendur emrin e tij në trup. Ajo ka publikuar në Instagram një foto ku shihet e kapur përdore me John Legend dhe në të dallohet emri “Jack” si tatuazh.
Ndërkohë para disa ditësh Chrissy foli për këtë ngjarje, duke e përkufizuar si një nga më të vështirat të jetës së saj.
Pas disa netëve në spital, mjeku më se ishte koha për t’i thënë lamtumirë. Ai thjesht nuk do të mbijetonte dhe nëse do këmbëngulnim më shumë, as unë nuk do të mbijetoja. Më thanë që do t’i jepja lamtumirën në mëngjes. Qava pak në fillim, pastaj shpërtheva në lot, mezi merrja frymë nga trishtimi i thellë. M’u vendos oksigjeni në hundë dhe gojë dhe atje u realizua fotoja e parë që patë.
