Luana Vjollca u shfaq mbrëmjen e djeshme në emisionin “Shiko Kush Luan” si Jennifer Lopez me rastin e Halloween. Moderatorja kishte qëlluar në shenjë dhe i ishte përafruar shumë figurës së artistes me famë botërore. Ajo kishte zgjedhur të vishte fustanin ikonë “Versace”, që Jennifer ka veshur 20 vite më parë.
Luana shpenzoi sa qimet e kokës për pamjen e saj (Kliko këtu) dhe madje ka tërhequr edhe vëmendjen e mediave të huaja. Një revistë në Azerbajxhan ka shkruar për veshjen e Luana Vjollcës dhe maskimin e saj në emision. Ka qenë vetë Luana që e ka vënë re këtë gjë dhe ka mbetur totalisht e surprizuar.
“Magazin e cilit shtet është kjo dhe çfarë kanë shkruar”, ka shkruar moderatorja në një postim.
Për ta sqaruar, revista në fjalë shprehet: “Fotografia e modeles me një fustan jeshil Versace tërhoqi vëmendjen e të gjithëve. Megjithatë, përpara Luanës, këngëtarja me famë boëtrore Jennifer Lopez veshi për herë të parë fustanin ikonë Versace në vitin 2000 për çmimet Grammy. Jennifer ndryshoi fustanin dhe u shfaq sërish pas 20 vitesh në sfilatën e Milan Fashion Week”.
Kjo nuk është hera e parë që një media e huaj shkruan për Luanën, por me siguri ajo është habitur që fama e saj ka arritur kaq larg.
