Muaji nëntor ka nisur me një rekord viktimash nga Covid-19 në vendin tonë. Gjatë 24 orëve të fundit janë regjistruar 9 viktima, një 44 vjeçar dhe 69 vjeçar nga Tirana, 60 vjeçare nga Mati, 65 vjeçare nga Durrësi, 66 vjeçar nga Tropoja, 68 vjeçar nga Pogradeci, një 71 vjeçare nga Elbasani, një 71 vjeçar nga Berati dhe një 78 vjeçar nga Korça.
Po ashtu janë konfirmuar një numër i lartë rastesh të reja, 327 të infektuar me Covid-19, nga 1472 testime të kryera në gjithë vendin. Për sa i përket numrit të të shëruarve, sipas raportimit kanë fituar betejën me sëmundjen 57 persona ndërkohë 293 pacientë ndodhen të shtruar në spitalet Covid.
Përditësimi i situatës i Ministrisë së Shëndetësisë:
COVID-19 – Statistika (1 Nëntor 2020)
Raste të reja ditore 327
Të shëruar ne 24 orë 57
Të shtruar në spitale 293
Humbje jete në 24 orë 9
Testime ditore 1472
Testime totale 126,692
Raste pozitive 21,202
Raste të shëruara 11,246
Raste Aktive 9,438
Humbje jete 518
