Pas katër vitesh së bashku, dyshja shumë e njohur e showbiz-it shqiptar, Heidi Lushtaku dhe Robin Krasniqi, i dhanë fund romancës së tyre.
Ndarjen e konfirmoi vetë modelja bukuroshe, e cila në rrjete sociale shkruante:
“Ndarjet janë të vështira dhe aspak të këndshme, sidomos pas një periudhë afërsisht katërvjeçare, të cilën e kemi të mbushur me përjetime të këndshme dhe të hareshme. Nga pamundësia që ta ruajmë këtë harmoni, ekuilibër dhe përkushtim ndaj njëri-tjetrit në vijim, kemi vendosur para shtatë muajsh t’i japim fund fejesës sonë”
Mirëpo, duket se dashuria mes çiftit ka qenë më e fortë se gjithçka dhe ata e kanë gjetur sërish rrugën tek njëri-tjetri.
Heidi dhe Robini janë sërish bashkë, siç kanë konfirmuar burime për “Prive”.
Ata i kanë dhënë edhe një shans njëri-tjetrit, për të parë nëse do të funksionojë kësaj here.
