Të ftuar ditën e sotme në emisionin “ABC e Pasdites” ishin tre musketjerët e muzikës shqiptare, Aleksandër Gjoka, Elton Deda dhe Redon Makashi. Ata folën për koncertin që mbajtën fundjavën e shkuar dhe u shprehën se perfromancat e tyre zgjatën përtej parashikimit për shkak të dashurisë së madhe që marrin nga publiku.
Më tej ata folën edhe për situatën aktuale në të cilën po jetojmë. Të pyetur në lidhje me deklaratën se ata duhet të përshtaten me profesione të reja, tani që muzika është e ndaluar Gjoka tha:
“Unë mund të ndihmoja dikë të moshës së tretë, e kemi bërë dikur, punë vullnetare”. Megjithatë të tre këngëtarët pohuan një zëri se këto deklarata janë një çmenduri e vërtetë.
Nga ana tjetër Elton Deda shtroi problemin e vështirësive financiare, duke ju bërë thirrje këngëtarëve që të bëhen të gjithë bashkë.
“Njerëzit thonë hë më mo, se ky ka lekë. Unë si kam vjedhur. Është krijimtaria ime, por edhe shpenzoj më tepër. Mos harro që ka artistë që kanë shtëpi edhe me kredi”, shtoi këto Aleksandër Gjoka.
Kujtojmë se prej më shumë se 8 muajsh janë ndalur të gjitha aktivitetet artistike në vend për shkak të pandemisë dhe muzika mbetet një nga sektorët të goditur më rëndë nga pandemia.
