Në muajin gusht, moderatorja Xhemi Shehu konfirmoi zërat që qarkullonin prej kohësh se ajo s’do të ishte më pjesë e spektaklit të humorit “Portokalli”.
Drejtimi i këtij të fundit iu besua Eneda Tarifës, ndërsa Xhemi i mbajti kuriozë ndjekësit e saj për planet e së ardhmes.
Mirëpo, pak ditë më parë një video e Eni Shehut ku prezantohej emisioni i tij i ri “Nuk është karantinë” që do të transmetohet në “Abc News” na ngatërroi të gjithëve.
Kjo pasi gjatë videos u vu re prezenca e Xhemi dhe nga kjo menduam se do jetë pjesë e emisionit, por e vërteta qenka ndryshe.
Në fakt Xhemi do jetë thjeshtë e ftuar në këtë emision dhe siç duket, sikundër tha dhe vetë disa ditë më parë, do qëndrojë pushim për pak kohë.
Megjithatë, mikesha e saj Arbana Osmani ka plane të tjera për moderatoren. Kjo pasi Arbana u ka premtuar fansave të Xhemit se do të sigurohet që të mos i marri malli për të dhe me siguri i referohet daljes së mikeshës së saj në ekranin e një televizioni.
Për këtë kemi fakte dhe nëse Arbana nuk e mban premtimin, ka punë me fansat.
