Mashtrimet e Vodafone vijojnë të shtohen me kalimin e ditëve. Së fundmi, në redaksinë e ‘iconstyle.al’ ka ardhur një denoncim sa i përket aplikacionit “My vodafone”, konkretisht në opsionin “Shake” që aq shumë reklamohet nga vetë kompania.
Ky opsion supozohet të ofrojë kupone të ndryshme për abonentët, falë ‘shake’ (tundjes së telefonit) ose “V-Coins” që përfitohen nga aktivizimi i paketave.
Mirëpo, së fundmi duket se edhe ky opsion po kthehet në një fasadë dhe nuk ofron asgjë pa paguar. Për ta ilustruar më mirë këtë që po themi mjafton ky shembull, ku abonenti nga “Shake” fitoi 2 GB, të cilat për t’i aktivizuar do i duhet të ketë në celular 50 lekë. Që në këtë moment bie poshtë miti “Shake”.
Vodafone ka menduar edhe për rastet kur nuk keni kredit, pasi të kërkon që të marrësh hua 150 lekë. Kështu, kjo lojë përdoret si ‘karrem’ që ju të shtoni para në telefonin tuaj.
Ç’ndodh me YUTH-in?
Në shkurt të 2019 Vodafone prezantoi me bujë të madhe një aplikacion të quajtur ‘JUTH’. Asokohe të gjithë u dyndën në koncertin, i cili premtonte një surprizë të madhe që ishte pikërisht ky aplikacion që sot, pas mëse një vit rezulton të jetë një fasadë që vjedh kohë dhe mbi të gjitha lekë.
Së pari, përdoruesit ankohen se pasi e shkarkojnë nga ‘App store’ apo ‘Play store’ në telefonin e tyre, në momentin që tentojnë të marrin shërbimet që ai supozohet të ofrojë, hasin në një ngrirje të sistemit.
Ndonëse ju premtohet shpejtësi dhe fleksibilitet, në realitet ndodh e kundërta.
Rasti i dytë është edhe më flagrant, pasi duke përdorur një lojë të quajtur “Pupthi” kjo kompani telefonike vjedh klientët e saj.
Si ndodh kjo?
Klientëve u premtohen MB në rast se luajnë këtë lojë. Mirëpo, ajo që ndodh është se në momentin kur ti mbledh 500 MB, për aktivizimin e tyre Vodafone të merr në këmbim 50 lekë të reja.
Ata persona që kanë në llogarinë e tyre 0 lekë, nuk mund ta shtojnë kreditin me 50 lekë, pasi vlera minimale që mund të shtosh është 200 lekë. Kështu, kjo lojë përdoret si ‘karrem’ që ju të shtoni para në telefonin tuaj.
Por, nuk mbaron me kaq. Në momentin kur ju i keni konsumuar 500 MB, nuk ju vjen asnjë mesazh në celular. Kjo ndodh për arsye e thjesht: konsumimi i Internetit do i faturohet llogarisë suaj.
Pra, e thënë më thjesht, përdoruesit vijojnë të përdorin Internetin sepse nuk janë në dijeni që MB kanë mbaruar dhe në këtë moment, u mbahen paratë nga gjendja e llogarisë në kartë.
Voila! E gjitha nis nga fillimi. Pas kësaj, klientët e kësaj kompanie telefonike detyrohen të shtojnë sërish llogarinë në kartë.
Në fakt, vjedhje të tjera janë një karakteristikë e Vodafone, pasi deri tani ju kemi njohur me disa prej tyre.
Bli telefon te Vodafone dhe paguaj më shumë se kudo
Ju paralajmëruam pak ditë më parë se nëse po kërkoni të blini një telefon të ri dhe hasni në këtë reklamë nga Vodafone, mos e blini sepse jo vetëm që nuk përfitoni asgjë, po përkundrazi po paguani më shumë.
“Iphone 11 Pro (64 GB)” shitet nga kjo kompani telefonike me një çmim prej 138,900 lekësh dhe ‘si dhuratë’ ju ofrohen 120 GB.
Mirëpo, nëse ju hedhim një sy listës së çmimeve nga “Apple” vëmë re se ky celular kushton 999 euro, ose 122,877 lekë (me kursin e këmbimit të ditës së sotme).
Sakaq, nëse do e krahasonim me çmimet e tjera të tregut sërish do vinim re një abuzim, pasi ato varijojnë, si më poshtë:
Po ashtu, Vodafone në Shqipëri e shet këtë produkt më shtrenjtë se Vodafone në dy vendet fqinje, Itali dhe Greqi:
Pra, jo vetëm që nuk do merrnit një telefon të ri me ofertë, por përkundrazi, do paguanit më shumë se kudo.
Një tjetër shembull që nxjerr në pah ofertën “Bli dy, paguaj tre” është pikërisht bashkëpunimi i Vodafone me Union Bank, dhe pretendimi se klientët e Vodafone përfitojnë një normë interesi prej 8.9% për kreditë konsumatore.
Na vjen keq t’ju themi por fakti nëse jeni apo jo klient i Vodafone nuk përbën ndonjë ndryshim, pasi norma e interesit për këto kredi është 8.9% për të gjithë.
Madje në banka të tjera mund ta gjeni edhe më lirë.
Një sërë çështjesh kërkojnë zgjidhje
Si një nga tregjet më abuzive në vendin tonë, ‘Iocnstyle.al’ prej kohësh po ndjek me shqetësim zhvillimet që ndodhin në sektorin e telekomunikacionit, ku kemi denoncuar disa nga shkeljet më flagrante.
Qyetarët ankohen çdo ditë se paketat e tyre më parë mbarohen se aktivizohen. Disa javë më parë pasqyruam denoncimet e qytetarëve që ankoheshin se si 6 GB mbarojnë brenda 30 minutave. (KLIKO)
Një problem jo më pak i rëndësishëm është edhe dështimi i mbulimit të territorit, kryesisht i zonave të largëta të vendit, ku kompanitë telefonike nuk kanë interesa të zhvillojnë infrastrukturën. (KLIKO)
Nga kjo e fundit, atyre ju lind nevoja që të aktivizojnë paketa Roaming ndonëse janë brenda vendit. Këto të fundit nga ana tjetër janë problem më vetë, pasi përveçse shiten me çmime shumë më të larta se vendet fqinje, apo seç është e përballueshme nga qytetarët shqiptarë, nuk funksionojnë.
Qytetarë të shumtë na kanë adresuar pafund shqetësime rreth faktit se kanë mbetur në baltë nëpër botë pikërisht prej këtyre paketave. (KLIKO)
Madje rasti më ekstrem është ai me Kosovën, që ndonëse pritet të hiqen fare tarifat Roaming, ato nuk funksionojnë. (KLIKO)
