Aktorja e famshme, Kate Winslet ka rrëfyer se ka arritur në ekstreme për të realizuar në perfeksion rolin në filmin “Avatar 2″. Kate ka treguar se ajo ka bërë një çmenduri të vërtetë duke mbajtur frymën për 7 minuta për një skenë në film.
Për të provuar se është e gatshme të tejkalojë kufijtë e saj për rolin, Kate ka treguar se ka trajnuar veten për të mbajtur frymën nën ujë për më shumë se 7 minuta.
“Unë duhej të mësoja se si të zhyhesha për të luajtur atë rol në Avatar, dhe kjo ishte thjesht e pabesueshme. E mbajta frymën për shtatë minuta e 14 sekonda, gjë e çmendur”, ka thënë aktorja për “Hollywood Rporter”.
Ylli i “Titanic” do të paraqitet në film në rolin e “personit ujë ” dhe fansat mund ta shohin atë dhjetorin e ardhshëm.
