Mbrëmjen e kaluar, Shqipe Hysenaj u përjashtua për një afat të pacaktuar nga emisioni i të rinjve “Për’puthen”.
Shkak për largimin e saj u bë bullizmi dhe homofobia, të cilën e shfaqi me zë të lartë ndaj konkurrentit biseksual gjithashtu konkurrent.
Puntata e të premtes ishte më e bujshma e “Për’puthen”, e cila pasoi me masën drastike për Shqipe Hysenajn.
Në llogarinë e saj në Instagram, kjo e fundit ka falenderuar të gjithë ata që e kanë mbështetur, si dhe ka bërë një “kërcënim” publik.
“Faleminderit të gjithëve për suportin. Nuk do jua harroj kurrë dhe ta dini që me ndihmën tuaj dhe drejtësinë time do fundosen shumë veta.”- ka shkruar Shqipja, pa e specifikuar më tej deklaratën e saj.
Ndërkohë, produksioni ende nuk ka reaguar pas fjalëve të ish-konkurrentes.
