Ministria e Financave ka rishikuar pritshmëritë e saj lidhur me rënien ekonomike të këtij viti, si pasojë e pandemisë COVID-19.
Ministrja e Financave, Anila Denaj, ndërkohë ka deklaruar në Konferencën e Kryetarëve sot se tkurrja ekonomike do të jetë 6.1% dhe jo 5%.
Përsa i përket financimit të nevojave të shkaktuara nga pandemia, Denaj premtoi se do të marrin 60 milionë dollarë në vitin që vjen.
“Për vitin 2021, kostoja totale e prioriteteve për përballimin e pandemisë COVID-19 do të financohet nga buxheti është rreth 6 miliardë lekë, ku përfshihet dhe kosto e parashikuar për vaksinën Anti-COVID dhe do të garantojë një menaxhim sa më të mirë dhe efikas të pandemisë COVID 19”, pohoi sot ministrja Denaj.
Ndërkohë që në buxhetin e vjetshmë vjetor, fondi për shëndetësinë mori 65.3 miliardë lekë, në buxhetin 2021 theksohet se fondi për shëndetësinë arrin në 67.7 miliardë lekë, një shifër kjo e pamjaftueshmë për të mbuluar nevojat e këtij sektori të goditur nga pandemia Covid-19.
Pra kjo shifër është një rritje e papërfillshme përballë nevojave që kemi sot.
Këto para duhet të shkojnë tek rritja e kapaciteteve spitalore, rikonstruksione qendrash shëndetësore, si dhe vëmendje e shtuar tek nevojat e pandemisë, por jo që të shkojnë shumat më të mëdha të fondeve për katër koncesionet, si check-up, sterilizimi, dializa dhe ai i laboratorëve.
Nga këta peshën më të lartë të fondeve e merr sterilizimi dhe më pas dializa. Nuk mund të themi se këto shërbime nuk janë të nevojshme, por nuk kanë efekt të drejtpërdrejtë në luftën kundër koronavirusit.
“Katër koncesionet e shëndetësisë, check-up, sterilizimi, dializa dhe ai i fundit i laboratorëve, pritet të marrin gjithsej 4.6 miliardë lekë, ose 37 milionë euro.
Koncesioni për sterilizimin, që pritet të marrë 1.7 miliardë lekë pagesa nga buxheti për sterilizimin e pajisjeve mjekësore gjatë ndërhyrjeve kirurgjikale. Koncesioni i laboratorëve do marrë 1.28 miliardë lekë pagesa për 2021. Check up dhe dializa do të marrin përkatësisht 876 milionë dhe 779 milionë lekë”, thuhet ndër të tjera në projektbuxhet.
Shihet se nga buxheti i shëndetësisë, pjesa me e madhe shkon për koncesione, po që nuk kanë efekt dhe nuk ndihmojnë drejtëpërdrejtë në përballimin e pandemisë, apo në frenimin e saj.
Në projektbuxhetin e vitit 2021, në fondet për shëndetësinë, vihet re po ashtu se nuk ka një vlerë të përcaktuar se sa do shfrytëzohet për vaksinimin apo masa të tjera të nevojshme për pandeminë./ GazetaReforma.com/
BUXHETI I MINISTRISË SË INFRASTRUKTURËS
Buxheti 2020 45.1 mld lekë
Buxheti 2021 49.3 mld lekë
Diferenca +4.1 mld lekë
BUXHETI I MINISTRISË SË SHËNDETËSISË
Buxheti 2020 65.3 miliardë lekë
Buxheti 2021 67.7 miliardë lekë
Diferenca +2.3 miliardë lekë /GazetaReforma.Com
