Nuk besojmë të jete ende dikush që nuk e ka dëgjuar akoma qoftë edhe njëherë këngën e famshme të shqiptares Ava Max, “Sweet but Psycho”, që bëri namin në botë.
Në këngën e saj, Ava flet për një vajzë e cila është tepër e ëmbël por paksa e çmendur në marrëdhëniet me të tjerët, ndërsa ky tekst i është kthyer si boomerang!
Kësaj here, një mashkull është treguar tepër i ëmbël dhe i fiksuar pas këngëtares, madje ka bërë kilometra për të shkrepur vetëm një foto me të.
Max ka rrëfyer për “Rain Magazine” se djali në fjalë udhëtoi nga Franca në Shtetet e Bashkuara dhe i shkoi në derën e shtëpisë, duke insistuar ta takojë.
“Kam pasur kujtime të ëmbla për këngën ‘Sweet but Psycho’ duke biseduar me fansat e mi, duke parë videot e tyre që këndonin këngën time. Kjo ka qenë e pabesueshme! Kur shkova për të udhëtuar, mësova aq shumë për çdo vend. Kështu që, kjo më bën të ndihem më afër fansave të mi. Për kujtime jo aq të mira psikologjike, unë pata një përndjekës që erdhi në shtëpinë e prindërve të mi vitin e kaluar teksa isha në turne. Një djalë fluturoi nga Franca për të më takuar dhe ishte kaq i mërzitur. Ai kishte lule me vete dhe po insistonte që unë të bëja një fotografi para derës në shtëpinë time. Nëna ime ishte aq qesharake. Ajo ma ngatërroi qëllimisht emrin kur ai e pyeti duke i thënë; ‘Pava? Jo, ne nuk e njohim atë”- ka treguar Ava Max.
