Duket se Italia nuk ka ndërmend të përsëris skenarin e fillimit të pandemisë që i shkaktoi dhjetëra mijëra viktima dhe mbi 300 mijë të prekur. Kryeministri italian Giuseppe Conte brenda një jave ka ashpërsuar dy herë masat anti-Covid me qëllim shmangien e ndonjë tragjedie tjetër.
Ai lajmëroi, të martën, masa të reja kufizuese për grumbullimet, restorantet, aktivitetet sportive, dhe shkollat si një përpjekje për të ngadalësuar përhapjen e Covid-19.
Përdorimi i maskave edhe në shtëpi
Me dekretin e fundit, është bërë e detyrueshme përdorimi i maskave përfshirë edhe në ambientet e hapura në mbarë vendin si dhe rekomandohet përdorimi i saj edhe brenda shtëpisë. Ndërkohë do të jenë të përjashtuar nga masa e përdorimit të maskës ata të cilët kanë probleme patologjike, personat që kryejnë sport dhe fëmijët nën moshën 6-vjeç.
Mbyllja e restoranteve, lokaleve dhe bareve
Për vende të tilla si bare, clube, restorante dhe dyqane pastiçerie, nuk do ushtrojnë asnjë aktivitet pas orës 00:00. Prandaj, pas orës 21.00 të mbrëmjes do jetë e ndaluar të konsumohet në këmbë. Mund të konsumohet vetëm ulur në tryezë, brenda ose jashtë. Duhet gjithashtu të ketë një ndalim të parkimit para këtyre ambienteve pas orës 21:00. Sallat dhe diskotekat mbeten të mbyllura, ndërsa panairet dhe kongreset do të lejohen.
Pjesëmarrja në pritje dhe ceremoni
Numri maksimal i pjesëmarrësve në ceremonitë civile dhe fetare është 30 persona.
Disko, salla vallëzimi dhe koncerte
Ndalohen aktivitetet në diskoteka, salla vallëzimi dhe të gjitha vendet e ngjashme, si jashtë ashtu edhe brenda. Për koncertet, pjesëmarrja maksimale është 200 pjesëmarrës në ambiente të mbyllura dhe 1000 në ambientet e jashtme, duke mbajtur 1 metër distancë.
Festa private dhe takimet në shtëpi
Për takimet, të përfshira në festa private në shtëpi, ekziston rekomandimi i fortë për të mos tejkaluar numrin e 6 të ftuarve, për familjarë dhe miq të cilët nuk jetojnë së bashku. Kjo është risia më e rëndësishme e dekretit, e parashikuar tashmë në ditët e fundit.
Aktivitetet sportive
Ndalohen të gjitha sportet (amatore) që nxisin kontakte fizike, të tilla si gara dhe kompeticione, ndërsa të tjerët në një nivel më të lartë, siç janë për shembull ndeshjet e Seria A, janë të autorizuar të luajnë , gjithmonë duke respektuar protokollet e publikuara tashmë nga federatat e ndryshme kombëtare të sporteve.
Tifozët në stadiume
Italianët mund të marrë pjesë në ngjarje sportive në stadiume, me një përqindje maksimale prej 15% e jo më shumë se kufiri maksimal prej 1000 spektatorësh në ambiente të hapura dhe 200 në ambiente të mbyllura.
Udhëtime në shkollë
Dekreti parashikon gjithashtu ndalimin e ekskursioneve, por mësimi në shkolla do vijojë. Ndalohen gjithashtu udhëtimet arsimore, binjakëzimin, erasmus në shkolla të të gjitha niveleve.
Masat në fjalë do të jenë të vlefshme për një periudhë 30 ditore dhe vlerësimi për zgjatjen apo jo të tyre do të bëhet sipas të dhënave pas një muaji. Në 7 ditët e fundit në vend u regjistruan gjithsej 31.984 raste të reja. Në Itali u regjistrua një mesatare ditore me 4.569 raste duke shënuar një rritje me 97,2 për qind me një (mesatare 2.252) raste në krahasim me një javë më parë.
Kryeministri Conte në një deklaratë dje theksoi se nuk parashikohet sërish karantinë totale në vend dhe se po punojnë që kjo të mos ndodhë. Qeveria në Itali, njoftoi javën e kaluar për zgjatjen e gjendjes së jashtëzakonshme deri më 31 janar 2021, në mënyrë që të mund të merrte shpejt masa kundër COVID-19 dhe të ndërhynte menjëherë ndaj krizës.
