Rafa Nadal është “mbreti” i Roland Garros. Tenisti spanjoll mposhti 3-0 Novak Djokovicin në finalen e turneut të famshëm francez, duke e çuar në 13 numrin e trofeve të fituar në karrierë në këtë fushë me dhe të kuq.
Një duel me sens unik, kuptohen në favor të Nadal, që e nisi furishëm përballjen, duke e fituar 6-0 setin e parë, 6-2 të dytin dhe 7-5 të fundit. 2 orë e 43 minuta zgjati kjo sfidë, me Nadal që humbi vetëm një “game” me shërbimet e tij, por mundi ta thyente në shërbim plot 7 herë serbin, përvoja dhe rezistenca e të cilit thjesht e bënë më të bukur setin e fundit, që gjithsesi u fitoi spanjolli.
Impresionues bilanci i tenistit nga Majorka në dheun e kuq të të Parisit, ku ka arritur numrin e 100 fitoreve, duke arritur në finale në çdo pjesëmarrje të tij. Barazohet kështu rekordi i Roger Federer me 20 turne Slam të fituar në karrierë./Supersport.al
