Arbana Osmani është shtatzënë për herë të dytë dhe shumë shpejt pritet të sjellë në jetë vogëlushin e saj. Lajmin e bukur ajo e bëri të ditur gjatë muajit maj, në ditën e lindjes së saj dhe të partnerit, Eduart Grishaj.
Të gjithë mendonim se fëmija e dyshes do të vinte në jetë gjatë muajve të verës, sepse këtë gjë pohoi moderatorja, por kjo nuk ndodhi. Tashmë jemi në mes të muajit tetor dhe Arbana nuk ka lindur ende dhe të gjithëve po ju duket shumë e gjatë pritja e saj e ëmbël.
Këtë gjë e ka theksuar edhe mikesha e saj më e mirë, Xhemi Shehu, që si gjithmonë ka lënë një koment epik që i ka bërë fansat e dyshes për të qeshur. Arbana ka postuar sot në Instagram një foto me djalin e saj, Jonin, duke treguar se ata kanë nisur që tani me përgatitjet për Halloween-in. Por Xhemi nuk është fokusuar tek kjo gjë, por tek fëmija e dytë që mezi po presim ta njohim.
“Moj po vjen dhe Viti i Ri dhe ti prapë s’po lind”, ka komentuar Xhemi.
“Je gazmore si tip, kot s’thonë”, i është përgjigjur Arbana me shaka.
Kjo pritje e ëmbël po na duket të gjithëve tepër e gjatë, por ndoshta këto mund të jenë ditët e fundit të shtatzënisë dhe bebushi mund të vijë në jetë nga momenti në moment.
